LOS Elektro vald som leverandør på rammeavtale for Vestland fylkeskommune

Rammeavtalen omfattar leveranse av elektroarbeid i samband med ordinær drift og vedlikehald. Kontraktane har ei varigheit på inntil 4 år og ein verdi på inntil 60 millionar kroner. For LOS Elektro AS er denne avtalen ei viktig brikke for å sikre auka føreseielegheit og større arbeidsmengde.

Avtalen gjeld for Sunnhordland, Austevoll, Fusa, Bergen sør og Bergen vest.

LOS Elektro AS ser på avtalen som ei kvalitets- og tillitserklæring. Det er alltid ei anerkjenning å bli valt som leverandør på ei rammeavtale. - Vestland fylkeskommune er ein attraktiv kunde med mange spanande prosjekt, og me ser fram til nye oppgåver, seier dagleg leiar Oddgeir Alvsvåg i LOS Elektro AS.

Denne avtalen vil sikre gode leveransar, gi stabil og høg aktivitet innan vedlikehald, og styrkje marknadsposisjonen vår. Det er LOS Elektro AS sine avdelingar i Sunnhordland og Bergen – lokalisert på Straume – som vil ha ansvaret for kontrakten. Me er stolte over tildelinga og takkar Vestland fylkeskommune for tilliten. Me ser fram til eit godt samarbeid!